Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio Xeiras Calendario 8º XEIRA ALÉN MIÑOR TERRAS DE COVELO-ETNOGRAFIA, 3 de Decembro 2016
Skip to content
8º XEIRA ALÉN MIÑOR TERRAS DE COVELO-ETNOGRAFIA, 3 de Decembro 2016 PDF Imprimir Correo-e

Xeiras - Calendario
Escrito por IEM -Sec   
Sábado, 05 Novembro 2016 18:52
museo
8º XEIRA ALÉN MIÑOR
TERRAS DE COVELO-ETNOGRAFIA, 3 de Decembro 2016
A nova xeira alén Miñor ten un carácter sobranceiramente etnográfico, como é a relación do home cun animal que dende séculos lle proporciona un alimento extraordinario, a garantía de polinización de moitísimas especies vexetais e, neste caso que nos ocupa, luz para alumar os fogares e sobre todo unha relación co máis alá, coa espiritualidade e a devoción, grazas a un elemento fundamental que as abellas melíferas europeas (Apis mellifera L.), e especialmente as novas, de entre 10 e 20 días de vida, producen dentro das colmeas: A cera.
As características físico-químicas tan especiais que ten a cera, facilitan que teña innumerables usos e posibilidades, en diferentes sectores produtivos.
Covelo é un concello cereiro por tradición, especialmente a parroquia de Paraños, onde dende hai máis de tres séculos moitas familias fixeron da cera unha forma de subsistencia.
Toneladas de candeas e exvotos fabricáronse artesanalmente nestas terras que afornecían numerosas localidades tanto de Galicia coma do resto da península. Infinidade de romarías tiñan postos de venda de produtos feitos en Covelo. Incluso o sector da cosmética e do calzado se interesaron polas posibilidades da cera, e abriron canles de comercialización de diferentes xéneros.
Nestes momentos, o sector apícola está sufrindo, posiblemente, o período pior da súa historia. Esta xeira axudaranos a entender mellor como funciona a apicultura e todo o que a rodea, así como o futuro que ten no noso país.
CARACTERÍSTICAS DA VIAXE
DATAS: 3 de Decembro (sábado)
PREZO SOCIOS: 40 EUROS
PREZO NON SOCIOS: 45 EUROS
O prezo inclúe a viaxe en autobús de 56 prazas co seguro, a comida, os guías, e as visitas.
HORARIO APROXIMADO
SAÍDA DO AUTOCAR : 8:15 de Gondomar, dende a explanada do pavillón de deportes.
9.30. En Paraños (Covelo) visitaremos o centro de interpretación, lagar da cera e eira da cera.
12.00 - Na Lamosa (Covelo) veremos o curadoiro das Brasileiras, lagar de cera e, se é posible a eira elevada e outros elementos existentes no lugar.
14.00 Xantar na Reitoral de Fofe (Covelo)
16.00 Visita dun Chozo da serra do Suído ou o Foxo do Lobo
18.30 Nas Neves degustaremos na Cooperativa Condado - Paradanta de requeixo e mel os produtos que nela se producen.
CHEGADA: Ao mesmo lugar de partida. Entre 21:00/22:00
GUÍA: Damián Copena (Investigador da Universidade de Vigo e estudoso do patrimonio apícola cereiro)
Para anotarse á Xeira haberá que chamar ao IEM ao telefono 986 360575, de luns a venres de 18.00 a 21.00. Asignarase un número a cada inscrito, que deberá citarse cando se faga o ingreso bancario.
Conta do IEM: ES 95 2080 5035 0730 4001 4164 de ABANCA
Unha vez feito o ingreso, agradecemos envíen o xustificante ao correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo o antes posible.
Non poderán facerse máis de 4 reservas por persoa.