Skip to content

IEM - Instituto de Estudos Miñoranos

Increase font size Decrease font size Default font size

Destacados

Laura Ramos Cuba gaña o XIº Premio de poesía VictorianoTaibo coa obra presentada baixo o título de A situación actual

O xurado do certame poético VictorianoTaibo que convoca o Concello de Gondomar en colaboración co Instituto de Estudos Miñoráns, integrado polos escritores e escritoras Iria Misa, Gonzalo Navaza, Miguel Anxo Mouriño, Marta Dacosta en nome do IEM e Rafa Vilar, gañador da Xª edición, resolveu que o libro gañador desta XIª edición era o presentado co título de A situación actual que, unha vez aberta a plica, resultou ser da autoría de Laura Ramos Cuba.

O xurado valorou que se trata dunha obra absolutamente contemporánea en que atopamos unha voz intimista moi forte. Unha voz dunha grande radicalidade, capaz de reflectir unha situación límite, unha crise emocional. Destaca a capacidade de poetizar o cotián con sinxeleza e fondura a un tempo. O xurado tamén salientou a unidade do libro, que mantén ao longo da lectura o pulso e o ritmo.

Laura Ramos Cuba, é unha moza burelá graduada en xornalismo e comunicación audiovisual pola Universidade de Santiago de Compostela. Este é o seu primeiro premio e, será, o seu primeiro libro publicado, co que o certame Victoriano Taibo ten a satisfacción de permitir que saia á luz esta voz actualísima que nos fala desde as súas propias coordenadas inseridas neste século XXI.

A entrega do premio será o día 17 de novembro nun acto que decorrerá no Auditorio Lois Tobío de Gondomar.

 

Está en:  Inicio Xeiras Calendario Percurso polo muíños dos ríos de Couso
Skip to content

Relacionados

Percurso polo muíños dos ríos de Couso PDF Imprimir Correo-e

Xeiras - Calendario
Mércores, 13 Outubro 2010 19:03
Xeira-couso-muios-1
Download this file (Xeira couso muiños.pdf)
  • Anterior
  • 1 of 2
  • Seguinte

En colaboración coa Comunidade de Montes de Couso temos elaborado un roteiro e un folleto explicativo sobre os Muíños desta parroquia de Gondomar.
O texto e as imaxes son do compañeiro Xilberte Manso de la Torre, que xunto a Xosé Antón Araúxo serán os guías deste percorrido.
Agora compre botar a andar e como está un outono para pasear convidámosvos a coñecer o roteiro o vindeiro domingo 17 de outubro. Sairemos ás 17h. da Casa Veciñal de Couso e remataremos no mesmo lugar, xa que é un roteiro circular. O percorrido é duns 9,3 Kms. e a duración estimada de 3,5 h. , o último tramo coincide co do Roteiro das Greas, por camiño asfaltado polo que non sería problema que ainotecese un chisco.
Achégase o folleto en formato .pdf

Attachments:
Folla Informativa[ ]2672 Kb