Skip to content

IEM - Instituto de Estudos Miñoranos

Increase font size Decrease font size Default font size
Está en:  Inicio Xeiras Calendario O IEM organiza a 2ª Xeira polo Val Miñor da tempada 2012: "Roteiro polos Montes de Couso".
Skip to content
O IEM organiza a 2ª Xeira polo Val Miñor da tempada 2012: "Roteiro polos Montes de Couso". PDF Imprimir Correo-e

Xeiras - Calendario
Escrito por IEM   
Luns, 09 Xullo 2012 22:31
muio

O vindeiro mércores 11 de xullo terá lugar unha nova Xeira do Instituto de Estudos Miñoranos co nome: "Roteiro polos Montes de Couso". Unha ruta peonil coa que a Comunidade de Montes de Couso en colaboración co IEM puxo en valor boa parte do seu legado etnográfico e do seu patrimonio histórico e natural. Nove muíños de auga, algúns deles con máis de dous séculos de antigüidade, cruceiros, pontes e petos de ánimas sucédense ao longo do carreiro circular, que parte e culmina na casa veciñal da parroquia.
A andaina terá como punto de encontro o local do IEM (Avda. da Feira Nº 10, baixo - Gondomar), ás 18 horas. O percorrido contará coa guía dos membros do IEM, Xosé Ramón García e Xilberte Manso de la Torre.
Ao longo do percorrido pódense visitar un total de nove muíños de auga, como os de Candal (de Arriba e de Abaixo), o da Ponte, o da Cana ou o da Rañada, así como outras construcións tradicionais. No traxecto tamén destacan a riqueza ecolóxica do bosque de ribeira, coa súa flora e fauna autóctonas, e as pegadas do pasado agrícola desta zona, representadas, por exemplo, nas levadas ou desvíos do curso fluvial que permitían nos seus tempos regar os campos de cultivo.