Skip to content

IEM - Instituto de Estudos Miñoranos

Increase font size Decrease font size Default font size

Destacados

XVIII XEIRA ALÉN MIÑOR A CORUÑA E A MARIÑA CORUÑESA (24-25 de novembro)

As primitivas dimensións da Coruña ocupaban o que hoxe se coñece como Cidade Vella. Era A Coruña intramuros, e tanto o seu trazado como a súa arquitectura explican a historia desta cidade.A Cidade Vella fíxose á medida humana.Pedra, vidro e madeira mesturáronse para dar acubillo a fidalgos como a artesáns ou mariñeiros. A Porta Real foi a primeira entrada á primitiva cidade.

Moito que ver ou recoñecer nesta cidade vella, acompañados por un guía que é un dos referentes da cultura contemporánea do país, Felipe Senén.

A sede oficial da Real Academia (edificio dezaoitesco), noutro tempo propiedade de Pardo Bazán, moi preto da Colexiata de Santa María (principios do sc. XIV) que foi a igrexa dos gremios do mar e do comercio

Na contorna sitúase a Praza de Azcárraga. Está trazada sobre dous planos diferentes. No máis elevado enmárcase a antiga praza da Fariña, en cuxa bonita bóveda se acubilla a fonte do Desexo; no plano inferior está o palacio neoclásico da rexión militar noroeste, que data de 1740 e que acolleu a constitución da Xunta Suprema do Reino de Galicia en 1808, con motivo do alzamento coruñés contra as tropas napoleónicas.

O Convento de Santo Domingo levantouse a finais do século XIII, foi incendiado polos homes de Francis Drake a fins do XVII. A Igrexa data do século XVII e é de estilo barroco galego.

Moitos persoeiros, aventureiros, escritores, filósofos, científicos, ou persoas sen título como María Pita, que se enfrontou a Drake ou lideraron a resistencia ós franceses, viviron ou tiveron relación coa cidade. O Duque de Toscana, Cosme de Medicis, nunha das súas viaxes de coñecemento, o mariño Alejandro Malaspina, militares ou estadistas, como Porlier ou Melchor de Macanaz. Sir John Moore (repousa nos xardíns de San Carlos). Personaxes, espíritos da cidade ou simples cidadáns que inspiraron á Condesa de Pardo Bazán en "A Pedra Angular" ou a obra de Murguía e de Rosalía, os que xogaron co neno Pablo Picasso, que iluminaron o pensamento de Wenceslao Fernández Flórez ou de Salvador de Madariaga.

A cidade vella agocha máis recunchos queridos polos seus veciños, como o A Praza e O Convento das Bárbaras, próximos o Castelo de San Antón (hoxe Museo Arqueolóxico), antiga fortaleza do século XVI que se edificou sobre unha illa para protexer a entrada da ría dos ataques do pirata Drake. Ou o arquivo do Reino De Galicia (1775), que está encargado da recollida, custodia e posta a disposición do público da documentación de ámbito galego e provincial, xerada por diversos organismos de carácter xudicial ou administrativo con sede na provincia da Coruña.

 

Está en:  Inicio Xeiras Calendario Noite de petróglifos e música na Estación Arqueolóxica de Outeiro dos Lameiros (Baiona).
Skip to content
Noite de petróglifos e música na Estación Arqueolóxica de Outeiro dos Lameiros (Baiona). PDF Imprimir Correo-e

Xeiras - Calendario
Escrito por IEM   
Luns, 16 Xullo 2012 22:38
outeiro-dos-lameiros
marta-quintana
  • Anterior
  • 1 of 2
  • Seguinte

-Xeira do IEM polos petróglifos de Outeiro dos Lameiros e recital de arpa de Marta Quintana.
Unha visita nocturna á Estación de Arte Rupestre do Outeiro dos Lameiros será o próximo obxectivo dunha nova Xeira do Instituto de Estudos Miñoranos. A mesma terá lugar o vindeiro mércores 18 de xullo, e o punto de encontro será a carón do cemiterio de Sabarís ás 22 horas, dende onde se partirá en caravana de coches cara o xacemento. A noite terá unha convidada especial: a arpista Marta Quintana a que brindará un concerto ao pé dos petróglifos.
Os arqueólogos Xosé Lois Vilar e Eduardo Méndez serán os encargados de guiar aos visitantes polos distintos conxuntos rupestres situados a poucos metros do encoro de Baíña (Baiona) .
Arte esquemática, xeométrica e un panel de antropomorfos de 15 metros de longo e cinco de altura, permitirán tomar contacto directo cunha escolma máis que representativa dunha arte estimada nos 4000 anos de antigüidade.
Posteriormente á percorrida arqueolóxica, a viguesa Marta Quintana dará un concerto de arpa, onde interpretará temas do seu último traballo discográfico "Amable".
Como é tradicional, a Xeira é totalmente gratuíta para o público asistente e terá unha duración aproximada de dúas horas. Recoméndase levar roupa apropiada para o monte. Áínda que a Estación Arqueolóxica está musealizada, e a andaina non presenta dificultades, é conveniente tomar as seguintes previsións:
- Calzado cómodo, abrigo e pernas cubertas.
- Lanterna
-Auga e algún petisco (o monte da fame).
A Xeira conta coa colaboración desinteresada dos veciños da Comunidade de Montes de Santa Cristina d'A Ramallosa, en cuxos terreos atópase a Estación Arqueolóxica de Outeiro dos Lameiros.