Skip to content

IEM - Instituto de Estudos Miñoranos

Increase font size Decrease font size Default font size

Destacados

Acto de entrega do XI Premio de Poesía Victoriano Taibo. inicio tamén da I Semana poética Victoriano Taibo.

O Auditorio Lois Tobío acolle o acto de entrega do XI Premio de Poesía Victoriano Taibo

Desde este sábado, dá inicio tamén a I Semana poética Victoriano Taibo que enmarca a entrega do premio

 

Organizado polo Concello de Gondomar e o Instituto de Estudos Miñoráns.

E para achegarnos á data no ambiente poético propicio, o IEM inicia, este sábado día 10, a I Semana poética Victoriano Taibo, que encherá de versos a vila de Gondomar, unha festa poética que terá un fermoso ramo o día 17 coa entrega do premio desta décimo primeira edición a Laura Ramos Cuba.

I Semana poética Victoriano Taibo:

O sábado 10, ás 21:00 h. no Café Rañolas comeza esta celebración poética e será cun Slam poético, un recital aberto en que pode participar quen quixer co único requisito de que os textos que recite, dous, sexan de autoría propia e estean na nosa lingua. Cómpre tan só inscribirse previamente no correo electrónico do IEM (oficina@iem.gal). Un xurado escollido entre o público asistente seleccionará ao gañador ou gañadora da noite.

O luns día 12 a poesía tomará os balcóns e as fachadas de Gondomar, ondeando os seus versos en lonas que reproducirán, entre outros, poemas de autores premiados co Victoriano Taibo.

Nesa semana repartiranse tamén entre 14 establecementos hosteleiros manteis ilustrados con poemas.

E no medio da semana, nun lugar céntrico e frecuentado, podermos gozar dunha sorpresa poético-musical que non poderá ser máis anunciada para que, efectivamente, sexa unha sorpresa.

E así chegaremos ao sábado 17, data de entrega do XI Premio Victoriano Taibo.

A banda de gaitas Balcón do Miñor, de Morgadáns, amenizará o acto en que a autora recibirá o galardón da man do alcalde de Gondomar, Francisco Ferreira, e recitará algúns poemas da súa obra. No acto tamén intervirá o director do IEM, Xulián Maure. Á saída, no vestíbulo, estará agardando un albaroque de confraternización durante o cal a autora asinará libros para quen o desexe.

O premio está dotado con 3000€ e unha peza escultórica da autoría de Fino Lorenzo.

Está en:  Inicio Xeiras Calendario Xeira nocturna do IEM polos petróglifos do Monte Tetón no concello de Tomiño.
Skip to content
Xeira nocturna do IEM polos petróglifos do Monte Tetón no concello de Tomiño. PDF Imprimir Correo-e

Xeiras - Calendario
Escrito por IEM   
Xoves, 19 Xullo 2012 19:17
xeiras-do-iem-teton

-Este venres día 20 de xullo ás 22:00horas celebrarase unha visita aos petróglifos do Monte Tetón.
- A Xeira estará guiada polo arqueólogo Xosé Lois Vilar (IEM)
Como xa é tradicional no verán o Instituto de Estudos Miñoranos organiza por undécimo ano consecutivo unha serie de visitas-guiadas ou Xeiras a distintos lugares de especial interese histórico, artístico, natural e paisaxístico do Val de Miñor e a súa contorna. Trátase de pequenos percorridos a realizar polas tardes ou ao anoitecer dirixidos por especialistas no tema da visita.
Este venres día 20 de xullo ás 22:00 horas terá lugar unha visita ao xacemento arqueolóxico do Monte Tetón, situado na parroquia de Tebra (concello de Tomiño). O punto de encontro será na Casa Consistorial do Concello de Tomiño, onde o arqueólogo Xosé Lois Vilar introducirá aos visitantes no contexto da arte rupestre no nordeste peninsular, cunha especial atención no tema das escenas de caza atopadas en diversos conxuntos de Galicia e Portugal.
Posteriormente o equipo de Xeiras do IEM conducirá aos visitantes ata o petróglifo As Portaxes (Monte Tetón), onde se atopa o panel co maior gravado de círculos concéntricos do mundo. Nese punto, na noitebra, Xosé Lois Vilar brindará unha explicación das diversas figuras gravadas nesa rocha, así como do contexto xeográfico, toponímico e histórico do lugar.
A Xeira desenvolverase en conxunto co Concello de Tomiño, nun marco de colaboración para o desenrolo de visitas ao Monte Tetón no transcurso do verán 2012:
Venres 20 de xullo.
Venres 24 de agosto.
Venres 14 de setembro.
Tódalas saídas son ás 22 horas dende a Casa Consistorial do Concello de Tomiño. A participación é gratuíta.