Skip to content

IEM - Instituto de Estudos Miñoranos

Increase font size Decrease font size Default font size

Destacados

IV Mostra de teatro afeccionado do Val Miñor e Oia. Dende o 12 de xaneiro ata o 2 de febreiro.

 

A partir do vindeiro sábado 12 de xaneiro o Auditorio Municipal Lois Tobío de Gondomar acollerá a IV Mostra de teatro afeccionado do Val Miñor e Oia.
Organizado polo Instituto de Estudos Miñoráns co apoio do Concello de Gondomar fomentarán e potenciarán a creatividade teatral e a representación neste mes de xaneiro que abre as portas a un ano de celebración dos 20 anos do IEM.
A programación constará dun total de oito pezas teatrais interpretadas por Vichelocrego, Tranghallada teatro, Bertorella, Pritis- Guomins, A Moura, Os cabalos rosas brincan no patín, O mellor de cada casa e Arredemo.
A entrada será gratuíta e para todos os públicos.

Programación

Sábado 12 de xaneiro- 19.30h
Jansel e Ponsel, representada por Tranghallada teatro de Nigrán.

Domingo 13 de xaneiro- 18.00h
Mamasiña que medo!, representada por Bertorella de Morgadáns.

Sábado 19 de xaneiro- 19.30h

Cóncavo-convexo, representada por Vichelocrego de Gondomar.

Domingo 20 de xaneiro- 18.00h

Rosa rosae, representada por Pritis- Guomins de Aula teatro Gondomar.

Sábado 26 de xaneiro- 19.30h
A revirada, representada por A Moura de Chaín.

Domingo 27 de xaneiro- 18.00h

Cousas da vida, representada por O mellor de cada casa de Viladesuso.

Sábado 2 de febreiro- 19.30h

O restaurante Farruco representada por Os cabalos rosas brincan no patín de Viladesuso.
Maruxas 3.0, representada por Arredemo de Gondomar.
Está en:  Inicio Xeiras Calendario Xeira polos muíños de Vincios e visita á igrexa de Santa Mariña.
Skip to content
Xeira polos muíños de Vincios e visita á igrexa de Santa Mariña. PDF Imprimir Correo-e

Xeiras - Calendario
Escrito por IEM   
Venres, 24 Agosto 2012 21:02
muinho-seixidal

O vindeiro mércores 29 de agosto de 2012 terá lugar unha Xeira do IEM que percorrerá os muíños da parroquia de Vincios (Gondomar) e visitará a igrexa de Santa Mariña. O punto de encontro será ás 18 horas na sede do IEM, Aula de Cultura Ponte de Rosas na Avda. da Feira Nº 10, baixo (Gondomar). O percorrido contará coa guía do arquitecto Antonio Soliño Troncoso e membros da Asociación Cultural Pedraghullo.

 


A igrexa de Santa Mariña.
No couto de Vincios xa existía, dende finais do século XII ou, se cadra, principios do XIII, a igrexa románica de Santa Mariña. Esta sufrirá diversas reformas e adicións ao longo do tempo, sendo as máis significativas as da ábsida, de mediados do XVI, e a ampliación da sancristía, do XVIII. Durante a visita teremos oportunidade de apreciar as diversas pegadas que canteiros e artesáns deixaron na súa estrutura, así como algúns das historias e tradicións que aínda custodian os seus muros.
Os muíños de Vincios.
Na Parroquia de Vincios había en 1753 29 muíños, segundo os rexistros do Catastro de Ensenada. Hoxe grazas ao traballo da asociación Pedraghullo estase levando a cabo un traballo de recuperación, en primeiro lugar da memoria, vendo cales se conservan e cales foron feitos despois de 1753; limpeza da contorna e dos muíños, elaboración dunha ruta para poder visitalos e a posta en valor do conxunto.

 

Preme aquí para descargar o folleto informativo da Xeira

Preme aquí para descargar o mapa do percorrido.

 

 

Pedraghullo: A ruta dos muíños

 

Dim lights Embed Embed this video on your site