Skip to content

IEM - Instituto de Estudos Miñoranos

Increase font size Decrease font size Default font size

Destacados

Volta dos Nove. Sábado 13 de outubro

Volta dos Nove

O Instituto de Estudos Miñoráns (IEM) e a Comisión da Volta dos Nove convídavos ós actos de lembranza do asasinato dos Ineses, a señora Dolores Samuelle e Os Nove de Baiona e Panxón o vindeiro sábado 13 de outubro.Hai xa 82 anos.

Ás 11h30'-no cemiterio civil de Sabarís unha lembranza oral e floral para Xosé e Luís López Luís e Dolores Samuellle, tamén coa compaña musical dos da Foz.

Ás 11h45'-na Volta dos Nove palabras, música e flores para os nove homes asasinados a noite do 15 para o 16 de outubro de 1936.

 

Foi no 24 de xullo, a media mañá, festas en Santa Cristina.

Entraron as tropas que viñan de acalmar Vigo.

O comandante militar de Baiona: Ramón Blanco Linares. Requisa na sociedade obreira de Sabarís, na Porta do Sol, socialista e anarquista. Fichas de afiliación, revistas pornográficas, correspondencia, ...

Ducias de homes fuxidos. Foron aparecendo todos, pero entre outros, faltaban Pepe e Luís, Os Ineses. Descubertos o 13 de outubro de 1936 agochados na casa de Ventura Pérez, cego, axudado por Dolores Samuellle que compraba moitos víveres para o vello, ou o xornal. Delación e entrada de falanxistas, e garda civil a mañá do 13. Defensa propia e ferido (Luís Refojo Mariño, camisa nova). Luís morto a tiros nunha viña camiño da Ladeira, Pepe no muro do cemiterio. Exposición pública e asasinato de Dolores Samuellle, por encubridora.

En Vigo o 15 morre o ferido e esa noite van buscar veciños do Val de Miñor os cárceres de Vigo, traen nove que matan antes da amañecida e á tarde enterran o camarada caído.

Herminio Ramos lembrounos:

1936 Octubre 16. En el día de hoy aparecen muertos a la orilla de la carretera más allá de la fuente de San Roque nueve hombres que resultaron ser vecinos desta villa, calificados de rojos presos en Vigo.

Está en:  Inicio Xeiras Calendario Arte rupestre e memoria histórica, dúas actividades do IEM presentes no X Congreso da AIEG en Caerdydd
Skip to content
Arte rupestre e memoria histórica, dúas actividades do IEM presentes no X Congreso da AIEG en Caerdydd PDF Imprimir Correo-e

O IEM - Novas
Escrito por IEM   
Martes, 11 Setembro 2012 21:14
cartazxcongresoaieg2012

"Galiza alén do Arco Atlántico: unha visión multidisciplinar dos estudos galegos" é o lema baixo o que se desenvolverá o X Congreso da Asociación Internacional de Estudos Galegos. A mesma terá lugar os días 12, 13 e 14 de setembro en Caerdydd, capital de Gales. O IEM estará representado polo seu Vice director Xosé Lois Vilar Pedreira .
"Escenas de caza nos petróglifos galegos e portugueses", será a primeira intervención de Vilar no Congreso. O coloquio formará parte da Sección 3 do Congreso: "Antropoloxía, arte , arte rupestre, iconografía, oralidade, contos populares, paisaxe, relixión, patrimonio material e inmaterial", que coordinará Ana Boullón. Terá lugar o mércores 12 nas instalacións da Cardiff Business School, da Cardiff University.
O xoves 13, Vilar presentará un relatorio titulado "O papel que fixo o IEM na divulgación do coñecemento dos crimes franquistas: unha visión desde o asociacionismo". O faladoiro formará parte da Sección 13 do Congreso: "A memoria histórica difundida desde catro eidos: proxectos e obras para rememorar o trauma causado polo fascismo en Galiza", coordinado por John Patrick Thompson.
Nas case tres décadas de existencia da AIEG, os estudos galegos viñeron a consolidarse como supradisciplina na que cada vez atopan acubillo máis eidos do saber. Nunha realidade social cada vez máis complexa e cambiante, a variedade de puntos de vista, ferramentas e discursos son necesarios para acadar novas formas de pensar 'Galiza'. Esta visión multidisciplinar vén propiciando colaboracións entre o ámbito académico, cultural, político e social radicado en Galiza con colegas que desenvolven o seu labor noutros recantos do planeta, moitas veces albiscando puntos de conexión e fricción entre distintas nacións subestatais e periféricas.
Aproveitando o marco da capital galesa de Caerdydd (Cardiff, no seu nome en inglés), o X Congreso da AIEG "Galiza alén do Arco Atlántico: unha visión multidisciplinar dos estudos galegos" busca servir de plataforma desde a que contribuír a desenvolver unhas liñas de diálogo tematicamente transversais e interdisciplinarias sobre Galiza no contexto do Arco Atlántico, mais tamén facéndose extensíbeis a outros ámbitos periféricos e de minorías, e ao marco global en xeral.