Skip to content

IEM - Instituto de Estudos Miñoranos

Increase font size Decrease font size Default font size

Destacados

Resolución do II Certame Escolar de Creación Dramática.

Reunidos os membros do xurado integrado por Miguel Anxo Mouriño Fernández, escritor e membro do IEM, Fátima Granxa Paz, en representación dos grupos da sección de teatro do Instituto de Estudos Miñoráns e Luís Carballo Moure, membro do IEM, que actuou como secretario, acordaron por unanimidade a concesión do premio do II Certame Escolar de Creación Dramática, que convoca o IEM en colaboración co concello de Gondomar ao CEIP Souto Donas (Gondomar) pola obra Día de pesadelo.

A obra foi escrita polas alumnas Carolina Figueroa Granxa, Erea Estévez Vilar e Zayra Costasde 6° curso de E.P.

O xurado, tamén acordou conceder accésit as seguintes obras:

Vaia tres na arribada! CEIP De Mallón

A casa embruxada. CEP Sabarís

Unha historia de piratas. C.E.I.P. Serra- Vincios

O premio consta de tres partes: un lote de libros, a publicación da obra na web do IEM e a súa representación polo grupo de teatro "A Moura" de Chaín, no colexio de Souto-Donas.

Ademais, o xurado decide entregar a cada participante un diploma acreditativo de participación no certame escolar de creación dramática.

Gondomar a 30 de marzo de 2019.

Está en:  Inicio Xeiras Calendario A estación de arte rupestre no Monte Tetón será o obxectivo dunha nova Xeira nocturna do IEM.
Skip to content
A estación de arte rupestre no Monte Tetón será o obxectivo dunha nova Xeira nocturna do IEM. PDF Imprimir Correo-e

Xeiras - Calendario
Mércores, 12 Setembro 2012 18:47
DSC0001525202528Copiar25

O vindeiro venres 14 de setembro de 2012 terá lugar unha nova Xeira nocturna aos petróglifos da Estación do Monte Tetón, na parroquia de Tebra (Tomiño). O punto de encontro será na casa consistorial de Tomiño ás 22:00 horas. A visita estará guiada polo arqueólogo Xosé Lois Vilar, quen brindará un coloquio previo sobre as "Escenas de Caza na arte rupestre galega".
Logo do faladoiro visitarase o enclave coñecido como As Portaxes, aproximadamente a 300 metros sobre o nivel do mar, onde se atopa uns dos petróglifos de círculos concéntricos máis grade do continente. Xunto con outras figuras de carácter representativo e tamén abstracta, atópase na parte máis alta da rocha unha figura definida por dezaoito círculos concéntricos cuxo diámetro maior alcanza os 2, 40 metros de diámetro aproximado.
Dado que o percorrido será nocturno recomendamos levar lanternas e, previsoriamente, roupa de abrigo. A actividade está organizada polo IEM e o Concello de Tomiño.