Skip to content

IEM - Instituto de Estudos Miñoranos

Increase font size Decrease font size Default font size

Destacados

Laura Ramos Cuba gaña o XIº Premio de poesía VictorianoTaibo coa obra presentada baixo o título de A situación actual

O xurado do certame poético VictorianoTaibo que convoca o Concello de Gondomar en colaboración co Instituto de Estudos Miñoráns, integrado polos escritores e escritoras Iria Misa, Gonzalo Navaza, Miguel Anxo Mouriño, Marta Dacosta en nome do IEM e Rafa Vilar, gañador da Xª edición, resolveu que o libro gañador desta XIª edición era o presentado co título de A situación actual que, unha vez aberta a plica, resultou ser da autoría de Laura Ramos Cuba.

O xurado valorou que se trata dunha obra absolutamente contemporánea en que atopamos unha voz intimista moi forte. Unha voz dunha grande radicalidade, capaz de reflectir unha situación límite, unha crise emocional. Destaca a capacidade de poetizar o cotián con sinxeleza e fondura a un tempo. O xurado tamén salientou a unidade do libro, que mantén ao longo da lectura o pulso e o ritmo.

Laura Ramos Cuba, é unha moza burelá graduada en xornalismo e comunicación audiovisual pola Universidade de Santiago de Compostela. Este é o seu primeiro premio e, será, o seu primeiro libro publicado, co que o certame Victoriano Taibo ten a satisfacción de permitir que saia á luz esta voz actualísima que nos fala desde as súas propias coordenadas inseridas neste século XXI.

A entrega do premio será o día 17 de novembro nun acto que decorrerá no Auditorio Lois Tobío de Gondomar.

 

Está en:  Inicio Xeiras Imaxes Noite máxica no Monte Terroso
Skip to content
Noite máxica no Monte Terroso PDF Imprimir Correo-e

Xeiras - Galería de imaxes
Luns, 09 Agosto 2010 22:53
xeira-rupestre-a-guarda-web
  • Anterior
  • 1 of 2
  • Seguinte
As xeiras nocturnas teñen a maxia que escenifica a escuridade. A  presenza da natureza ten outras cores e outras mensaxes que baixo o reinado do sol non podemos observar. Si alguén o tiña claro foron os antigos habitantes da nosa terra, que deixaron os seus  gravados nas rochas para que só se amosen cando o astro rei se deita ou apenas se ergue polo horizonte. Os namorados da arte rupestre saben ben disto e fan os seus traballos de estudo arqueolóxico ou pola mañá cedo ou entre o lusco e o fusco. Por iso as xeiras rupestres chegan ao monte pola noite, porque só así os visitantes terán a posibilidade de atopar as voces que dende antigo murmuran as vellas cantigas que arroupan os enigmáticos legados. Pica aquí para ver as imaxes da Xeira polo Monte Terroso, Salcidos A Guarda.
Pica aquí o calendario das Xeiras, crónicas e imaxes.
a guarda