Skip to content

IEM - Instituto de Estudos Miñoranos

Increase font size Decrease font size Default font size

Destacados

Homenaxe a Antonio Fraguas Fraguas. Xoves 23 de maio ás 20:30H

O vindeiro xoves 23 de maio o Instituto de Estudos Miñoráns, IEM, en colaboración co concello de Gondomar, celebrará unha homenaxe a Antonio Fraguas Fraguas, a quen se lle dedica a data das Letras Galegas este ano.

Camiño Noia Campos, catedrática emérita de Filoloxía Galega na Universidade de Vigo, ofrecerá unha charla sobre este narrador oral excepcional e intelectual con unha popularidade moi pouco común, que contribuíu ademais a defender o galego como lingua de expresión válida para calquera coñecemento.

O grupo Teatro do Ar, representará a obra Distintas compañías inspirada en contos e lendas recollidas por Antonio Fraguas.

Acompañando á palabra e a escena, estará a actuación de Urbano Cabrera, cantautor galego de ampla traxectoria no mundo da música, comprometido coa potenciación do idioma galego, en toda clase de estilos, dende o folkata o blue.

O primeiro disco de Urbano Cabrera, Tarantela, saíu á luz en 1996, ó que seguirán Segundo Andar no 2000 e Penalba en 2004. En 2018 edita o recopilatorio Selección, tanto en formato físico coma en streaming. En maio de 2019 sairá́ publicado o seu derradeiro traballo Soñarás en maio coas chuvias de abril.

O acto terá lugar na Aula de Cultura Ponte de Rosas, Avda. da Feira 10 Baixo, ás 20:30H

Está en:  Inicio Xuventude Novos muíños atopados enriquecen o patrimonio arqueolóxico do Val de Miñor.
Skip to content
Novos muíños atopados enriquecen o patrimonio arqueolóxico do Val de Miñor. PDF Imprimir Correo-e

Xuventude - Novas
Martes, 27 Xullo 2010 22:33
xuventude_estudos_mioranos
muio-baia-1
muios-baia-2
muios-baia-3
muios-baia-4
muios-baia-5
  • Anterior
  • 1 of 6
  • Seguinte
Preto da Chan da Lagoa (Os Outeiros da Tomada de Pías) na serra da Groba atopáronse catro novos muíños naviculares de soporte fixo. O descubrimento tivo como protagonista a Anxo Rodríguez Lemos, membro da Xuventude do Instituto de Estudos Miñoranos. Nun percorrido, dos tantos que fai o mozo pola zona -entre outras cosas para as súas recollidas de toponimia- entre o mato da serra, decatouse dunha rocha coa pegada dos antigos habitantes da actual parroquia de Baíña, Concello de Baiona. Nas imaxes podese distinguir con nitidez a pedra traballada. A Sección de Arqueoloxía do IEM está a estudar e catalogar a descuberta. Imaxes Nº 1 e Nº 2 de Xilberte Manso (IEM). Imaxes Nº 3, Nº 4 e Nº 5 de Anxo Rodríguez Lemos.