Proxecto Equus

“EQUUS” (Ferus atlanticus) foi galardoando co segundo premio “TELEARQUEOLOXÍA” de creación audiovisual convocado pola Deputación de Pontevedra. O proxecto foi concibido para que tanto persoas físicas como colectivos participen na posta en valor da riqueza arqueolóxica da provincia e na súa difusión a través dun concurso de curtametraxes sobre esta temática.

O Instituto de Estudos Miñoráns ten unha longa tradición de estudo, conservación, defensa e divulgación da arte rupestre e dos garranos dos montes do Val de Miñor. Con EQUUS quixemos unir e estruturar nun só proxecto estes camiños paralelos pero complementarios. xUn dos nosos suxeitos de estudo son os garranos ou burras do monte que viven ceibes nos montes de Galicia e no norte de Portugal, tamén por todo o setentrión ibérico con distintas circunstancias xeográficas, administrativas, medioambientais, etc.

O outro pé do proxecto é o estudo da arte rupestre con representación de équidos no sur da provincia de Pontevedra e o norte de Portugal, proxecto co que levamos traballando máis de dez anos.
Tamén estamos traballando na análise xenética dos garranos da Serra da Groba, coa colaboración de David Posada e o seu equipo, xenetista da Universidade de Vigo.

As vertentes etnográfica, reivindicativa/burocrática e arqueolóxica teñen continuidade natural no campo da divulgación a través de publicacións, conferencias, visitas guiadas e vinculación ó mundo do ensino dentro da liña máis xebre, esburga do ser do Instituto de Estudos Miñoráns.