Skip to content

IEM - Instituto de Estudos Miñoranos

Increase font size Decrease font size Default font size

Destacados

O IEM e o Concello de Gondomar homenaxean a María Victoria Moreno.

O acto terá lugar na Paradela, na praza Latino Salgueiro de Gondomar, e comezará ás 19:30 horas

Este 17 de maio, Día das Letras Galegas, o Instituto de Estudos Miñoráns, IEM, e o concello de Gondomar, a través da concellaría de Cultura, celebrarán as Letras galegas cunha homenaxe á escritora María Victoria Moreno, a quen se lle dedica a data este ano.

Os escritores Iria Misa e Miguel Anxo Mouriño lerán fragmentos da obra desta profesora estremeña que namorou da lingua galega e dedicou a súa vida a escribir en galego, especialmente para os máis novos e novas. Ese lectorado tan presente para María Victoria Moreno estará representado neste acto por alumnado do CEIP Neira Vilas e IES plurilingüe Terra de Turonio, que lerán fragmentos de Eu conto, ti cantas.

Acompañando á palabra recitada estará o grupo musical Xardín desordenado que interpretará pezas do seu último traballo, "A vitoria da luz", baseado en textos de María Victoria Moreno e pechará o acto. Tamén, durante todo o acto a pintora Irene Silva realizará un mural en directo.

Palabra, música, pintura únense así para festexar a nosa lingua, esta que tanto amou María Victoria Moreno, quen non dubidou en utilizala no ensino ou en dar aulas de lingua alí onde for requirida en tempos da ditadura franquista. Os seus versos, os seus relatos en que os animais teñen un papel principal, o seu amor pola lingua son o legado que nos deixa unha estremeña que un día namorou deste noso país.

Está en:  Inicio
Skip to content
Morgadáns, o andar da pedra.
Venres, 17 Decembro 2010 01:58

Foto_antiga_035A Asociación Cultural San Roque de Morgadáns, coa colaboración do Instituto de Estudos Miñoranos, editou un libro de fotografías antigas ilustradas con textos baixo o título de Morgadáns, o andar da pedra.

A presentación do mesmo será o próximo sábado, 18 de decembro, ás 19.30h no local da Asociación Cultural San Roque, no Torreiro de San Roque en Morgadáns

Ler máis...
 
Como se chama ese lugar? Xornadas de Toponimia Vigo 2010.
Venres, 10 Decembro 2010 20:05
ToponimiaCartelwebO Servizo de Normalización Lingüística do Concello de Vigo invita ás Xornadas de Toponimia a celebrarse na Casa Galega da Cultura os días martes 14 e mércores 15 de decembro . Durante o evento terán lugar disertacións de expertos nas diversas áreas desta disciplina, presentación de traballos de campo e experiencias pedagóxicas. A Lección inaugural estará a cargo de Xosé Lois Méndez Ferrín, Presidente da Academia Galega da Lingua.
Ler máis...
 
Presentación do libro Osorio-Taffal. Un científico e político galego no exilio.
Mércores, 15 Decembro 2010 21:02

Xose-Francisco-Pardo-Teijeiro

Embed Embed this video on your site

Onte pola tarde a Aula de Cultura Ponte de Rosas recibiu ao profesor Xosé Francisco Pardo Teijeiro quen presentou o seu libro Osorio-Taffal. Un científico e político galego no exilio. No acto ademais do autor participou Alfonso Eiré, director da Editorial A Nosa Terra.

Ler máis...
 
Coloquio Internacional Memoria da Guerra, Reconciliación e Cultura de Paz
Venres, 10 Decembro 2010 19:25
imaxenomesO Proxecto Interuniversitario "Nomes e Voces", invita á inauguración do Coloquio Internacional Memoria da Guerra, Reconciliación e Cultura de Paz que se celebrará o vindeiro luns 13 de decembro, ás 19.00 horas, no Paraninfo da Facultade de Xeografía e Historia da USC.
A conferencia do historiador e profesor universitario español Nicolás Sánchez Albornoz y Aboín abrirá o acto.
Ler máis...
 
María Goretti Fariñas recibiu o III Premio Victoriano Taibo - Entidade Local de Morgadáns.
Martes, 14 Decembro 2010 23:45

DSC03523María Goretti Fariñas recibiu o pasado sábado o III Premio de Poesía Victoriano Taibo - Entidade Local Menor de Morgadáns pola súa obra Devastacións dispoñibles. Á gañadora foille entregado un cheque por 3000 euros de mans do presidente da Entidade Local Menor de Morgadáns, Urbano Esmerodes. Tamén recibiu a peza conmemorativa deste evento obra do escultor miñorano Fino Lorenzo.

Ler máis...
 
Entrevista do IEM co Xefe de Servizo de Arqueoloxía da Dirección Xeral do Patrimonio Cultural
Martes, 07 Decembro 2010 23:54

o-cabron-3-webNunha reunión mantida entre Eduardo Méndez Quintas, director da Sección de Xeografía , Historia, Arqueoloxía e Etnografía do Instituto de Estudos Miñoranos e o Xefe de Servizo de Arqueoloxía da Dirección Xeral do Patrimonio Cultural da Xunta de Galicia, Eugenio Rodríguez Puentes, este comprometeuse a achegar os fondos necesarios para comezar os estudos de datación do xacemento do Paleolítico Inferior da finca "O Cabrón", no concello de Arbo.

Ler máis...
 
<< Inicio < Anterior 191 192 193 194 195 196 197 198 199 200 Seguinte > Final >>

Páxina 191 de 211