Skip to content

IEM - Instituto de Estudos Miñoranos

Increase font size Decrease font size Default font size

Destacados

XEIRAS IEM 2018- TOMIÑO- Arquitectura militar histórica. Fortalezas. Xoves 19 de xullo ás 18:30h.

O vindeiro xoves 19 de xullo ás 18:30 h terá lugar a quinta xeira de verán polo concello de Tomiño, Arquitectura militar histórica. Fortalezas. dentro do programa das xeiras de verán 2018 do IEM, e coa colaboración deste concello, que será guiada por Antonio Soliño Troncoso.

HABERÁ DOUS INTÉRPRETES EN LINGUA DE SIGNOS PARA XORDOS.

O punto de encontro será no Pazo-Torre dos Correa. Goián:

https://drive.google.com/open?id=1vF-TpyWSLjdaaPzHo8R-rCtn6cDIYqsn&usp=sharing

 

AS XEIRAS DO IEM. VERÁN 2018

ARQUITECTURA MILITAR HISTÓRICA. FORTALEZAS DE GOIÁN

Guía

ANTONIO SOLIÑO TRONCOSO

O lugar foi considerado estratéxico dende o medievo e consecuentemente controlado por diversos señoríos e as distintas monarquías. En Goián levantouse a Torre dos Correa no século XIV, con xurisdición sobre a desaparecida Vila da Barca, inmediata a ela e ao río ata que se trasladou despois da guerra do XVII para o lugar que agora ocupa a parroquial na parte alta. O nome víñalle da embarcación utilizada para cruzar o río. Tamén en 1321 D. Denis, o rei poeta, concede foro a Vila Nova de Cerveira e fortifícaa. Tempo máis tarde, no XVII, durante a Guerra de Restauración, o exército portugués constrúe un complexo sistema militar, que recolle as innovacións incorporadas no trazado e fundación de fortalezas para contrarrestar os avances da balística, con base en Vila Nova e cabeza en Goián, unidas por unha ponte de barcas, ata que asinada a Paz de Lisboa, en 1668, a coroa española ordena levantar unha fortaleza pétrea de catro baluartes, a actual de San Lourenzo, como contrapunto ás edificacións militares do lado portugués presididas polo antigo castelo gótico.

Ao longo da xeira teremos ocasión de ver e comentar o Pazo-Torre dos Correa, o Castelo da Nosa Señora da Concepción, a Fortaleza de San Lourenzo, o Castelo medieval de Vila Nova de Cerveira, o antigo embarcadoiro da Vila da Barca no Miño e o inicio do Camiño da Nosa Señora do Norte en territorio galego. Tamén falaremos da Atalaia do Espírito Santo, do Forte de Lobelhe, do Facho, do Forte das Chagas e do Castelo de Medos intentando contextualizalos no seu tempo. Farémolo durante as tres horas que nos levará percorrer os 3,4 Km. dunha xeira circular de baixa dificultade. O punto de encontro é o Pazo-Torre dos Correa. Todo o traxecto será acompañado de intérprete de lingua de signos.

 

 

Está en:  Inicio
Skip to content
GONDOMAR DOCUMENTA: Filme MULLERES DA RAIA, xoves 19 de agosto na Praza do Centro de Saúde Gondomar
Venres, 13 Agosto 2010 21:12

cartaz-documentario2 Unha viaxe ás fronteiras do norte de Portugal e Galicia transportanos ao noso pasado máis recente: o contrabando local e a emigración clandestina. En tempos de represión, con gobernos ditatoriais, un grande número de portugueses emigrou para Francia cruzando as dúas fronteiras ilegalmente.

Ler máis...
 
Noite máxica no Monte Terroso
Luns, 09 Agosto 2010 22:53
xeira-rupestre-a-guarda-webAs xeiras nocturnas teñen a maxia que escenifica a escuridade. A  presenza da natureza ten outras cores e outras mensaxes que baixo o reinado do sol non podemos observar. Si alguén o tiña claro foron os antigos habitantes da nosa terra, que deixaron os seus  gravados nas rochas para que só se amosen cando o astro rei se deita ou apenas se ergue polo horizonte.
Ler máis...
 
Xeira Rupestre: Petróglifos de Monte Tetón
Venres, 13 Agosto 2010 18:25
Monte_tetnXeira que comeza co punto de encontro ás 21:30 h. do venres 13 de agosto na Casa do Concello de Tomiño. Despois de xuntarnos todos continuaremos ata o Monte Tetón.
Guías: Xilberte Manso, Xosé Lois Vilar
RECOMENDACIÓNS:
1. Roupa de abrigo.
2. Levade lanterna
3. Levade moitas ganas de gozar da natureza con respecto e agarimo
4. Pica aquí para ver o calendario, imaxes e crónicas das Xeiras IEM do verán 2010.
 
Viaxe virtual pola Xeira dos montes de Couso.
Venres, 06 Agosto 2010 22:28
couso-webA xeira  iniciouse no Local do IEM ás 18 h, para continuar en coche ata a área de lecer do alto do Viso, perto de Santo Antoniño, onde deixamos os veículos. Logo subimos a pé ata o alto dos Castros para ver as fermosas vistas sobre o Val Miñor e a posible ubicación dun poboado castrexo.
Ler máis...
 
Como se caza o lobo? Xeira "Noite de Estrelas e Lobos"
Xoves, 12 Agosto 2010 22:17

SC04199_CustomDescrición da caza do lobo por Xilberte Manso de la Torre durante a Xeira "Noite de Estrelas e Lobos" e imaxes do percorrido. 11/08/2010.

 

 

Ler máis...
 
Xeira “Noite de estrelas e lobos” na serra da Groba, mércores 11 de agosto.
Venres, 06 Agosto 2010 19:23

lobo-y-lunaXeira que comeza co punto de encontro ás 22 h. do mércores 11 de agosto na Chan da Lagoa, no concello de Baiona. Hai que subir pola estrada da Virxe da Roca. Despois de xuntarnos todos, continuaremos en coche ata a Cruz de Pao, uns 11 km. Pica aquí para ver o mapa. Agora toca andar e ver o campo de mámoas antes de chegar ao Foxo Pedriño para escenificar a captura do lobo. Co lobo xa no foxo, metaforicamente falando, tocaralle a quenda as estrelas.

Ler máis...
 
<< Inicio < Anterior 201 202 203 204 205 206 207 208 209 210 Seguinte > Final >>

Páxina 204 de 213