Regresar

XVI Premio de poesía Victoriano Taibo

XVI Premio de poesía Victoriano Taibo

O Instituto de Estudos Miñoráns (IEM), en colaboración co Concello de Gondomar e a Editorial Galaxia, convoca o XVI Premio de poesía Victoriano Taibo, dotado cunha escultura conmemorativa de Fino Lorenzo e até 4000 €, dos que 3000 € serán en concepto de adianto por dereitos de autoría e 1000 € no caso de que a persoa gañadora acepte impartir o obradoiro mencionado no punto 9 das seguintes bases:

BASES:

1. Os traballos presentados deberán ser orixinais e inéditos, de temática libre, non poderán ser adaptacións nin estar premiados noutro certame no momento da decisión do xurado. Estarán escritos en lingua galega, de acordo coas Normas ortográficas e morfolóxicas do idioma galego da Real Academia Galega e do Instituto da Lingua Galega (NOMIG, 2003).
2. Cada traballo consistirá nun ou varios textos poéticos, cunha extensión non inferior a 400versos con unidade temática, non podendo superar as 250 páxinas.
3. Os traballos presentaranse con letra de corpo 12 a través do Formulario de Participación, ao que se pode acceder a través da seguinte ligazón:

https://forms.gle/c17myKtyxhJhzG1eA

Nese formulario indicarase o título co que se presenta a obra e pseudónimo escollido pola autora ou autor. Tamén se cargará un arquivo coa obra en formato PDF. O arquivo en PDF non poderá conter datos ou metadatos que identifiquen a súa autoría real.

Enviarase tamén unha copia en papel, con letra de corpo 12 nun sobre pechado identificado polo pseudónimo e o título indicados no formulario. Así mesmo, dentro deste sobre, xunto co traballo, incluirase outro sobre pechado identificado co devandito título que conterá os datos persoais (nome, apelidos, copia de DNI, teléfono de contacto e enderezo electrónico). O xurado só o abrirá no caso de ser premiado.

Os traballos enviaranse por correo ao seguinte enderezo:

XVI Premio de Poesía Victoriano Taibo
Instituto de Estudos Miñoráns
Apartado 30
36380 Gondomar (Pontevedra)

4. O prazo de admisión de orixinais comezará cando se faga pública esta convocatoria e rematará o día 30 de setembro de 2024.
5. Os traballos presentados non serán devoltos e destruiranse tras o fallo do premio.
6. O xurado estará constituído por persoas de recoñecido prestixio no ámbito literario.
7. A obra premiada será publicada pola Editorial Galaxia na súa colección Dombate e non xerará dereitos de autor durante os primeiros 1000 exemplares editados.
8. O premio outorgado será único e indivisible. O xurado poderá declaralo deserto se estima que a calidade das obras presentadas así o aconsella.
9. 9. O premio consistirá en até 4000 €, dos que 3000 € serán en concepto de dereitos de autoría e 1000 € adicionais condicionados a que a persoa gañadora imparta un obradoiro totalmente presencial de poesía en Gondomar entre os meses de xaneiro e marzo de 2025. O obradoiro terá unha duración de 18 horas e non suporá compensación adicional por gastos de ningún tipo á parte do importe en metálico do premio. O obradoiro poderá facerse de forma telemática no caso de que a persoa gañadora resida fóra de Galicia, feito que deberá acreditarse debidamente. A persoa gañadora pode renunciar a impartir o curso segundo as condicións do punto seguinte.
10. No caso de que a persoa gañadora no imparta o obradoiro do punto anterior, xa sexa por renuncia voluntaria ou calquera outra causa, incluídas as de forza maior, recibirá unicamente os 3000 € en concepto de dereitos de autoría. Nese caso, o Instituto de Estudos Miñoráns comprométese a utilizar os 1000 € restantes na organización dun obradoiro de similares características impartido por unha persoa de recoñecido prestixio na poesía galega. Terán preferencia as persoas gañadoras de edicións anteriores do Premio Victoriano Taibo de Poesía que non impartisen aínda o obradoiro.
11. A persoa gañadora tamén se compromete sen custo a formar parte do xurado na seguinte edición do premio en caso de ser solicitado pola organización.
12. Calquera incidencia non prevista nesta convocatoria será resolta polo xurado.
13. O feito de participar supón a aceptación destas bases.

O Premio de poesía Victoriano Taibo recoñeceu até o de agora obras das seguintes escritoras e escritores:

● 2008: Carlos Negro con Cultivos Transxénicos
● 2009: Mª Carmen Caramés con Cuarto Minguante e Elvira Riveiro e Silvia Penas con Biografía da Multitude
● 2010: Mª Goretti Fariña con Devastacións dispoñibles
● 2011: Calros Solla con Holocausto Zacoe
● 2012: Conchita Álvarez Lebredo con Distancias e Simetrías
● 2013: Ramón Sandoval con Territorios Estraños
● 2014: Lara Rozados con O caderno amarelo
● 2015: Iñaki Varela con Do outro lado das portas
● 2016: Xosé Iglesias con A relixión do mar
● 2017: Rafa Vilar con Erosións
● 2018: Laura R. Cuba con A situación actual
● 2019: Fran Fernández Davila con Mover os Marcos
● 2021: Arancha Nogueira con Antese.
● 2022: Javier Rodríguez González con Xeración (Breve tratado de males inespecíficos)
● 2023: María Álvarez Martínez con Dakota.

O IEM e o Concello de Gondomar queren, a través deste premio, enxalzar a figura de Victoriano Taibo, escritor e mestre na parroquia de Morgadáns, e contribuír ao crecemento da literatura na nosa lingua, convertendo Gondomar e este premio nunha cita imprescindíbel para as Letras Galegas.

Se atopou algún erro neste contido, por favor avísenos seleccionando o texto ou palabra en cuestión e presionando Ctrl+Entrar.

User Avatar
IEM

Tamén che pode interesar

Ciclo setembro arredor da historia_page-0001
Faladoiros do IEM: Arredor da historia moderna
8 Setembro, 2024
Cartaz Xeira A Barbanza
Xeira Alén Miñor IEM. A Barbanza (2º PARTE) 05-06-07 Outubro 2024
27 Agosto, 2024
Monterreal_Torre_e_fortificacións-_Baiona
Xeira de verán do IEM 2024. Castelo de Monte Real de Baiona
19 Agosto, 2024

Deixar un comentario

O teu enderezo electrónico non se publicará Os campos obrigatorios están marcados con *

Informe de erros

O seguinte texto será enviado aos nosos editores:

Enviar