XXII MES DA MEMORIA NO VAL DE MIÑOR. 90 Cabodano dos asasinatos fascistas.

HAI 90 ANOS… A VOLTA DOS NOVE

A noite do 15 para o 16 de outubro de 1936 elementos da Garda Civil e falanxistas asasinaron a nove homes á par da Bombardeira, en Baiona.

Non foi un feito illado. Máis de medio cento de persoas foron asasinadas pola trama represora do novo réxime no Val de Miñor.

Para lembrar o acontecido comezamos neste mes de outubro unha serie de actos: visitas guiadas, exposicións, conferencias, homenaxes…

Xoves 16 de outubro, ás 20:00
Conferencia:
“A mecánica da represión” a cargo do historiador Xosé Álvarez Castro.
Aula de Cultura Ponte de Rosas. Avda. da Feira, 10, baixo. (Gondomar)

Sábado 17 de outubro
Ofrendas florais e homenaxe en tres lugares de Memoria do Val de Miñor co acompañamento musical de Alba Costas e Miguel Soto:

11:00 Cemiterio parroquial de Sabarís
11:30 Cemiterio municipal de Baiona
12:00 Monumento A Volta dos Nove

Sábado 24 de outubro
Visita guiada ó Campo de Concentración do Mosteiro de Oia

A exposición “Atopados” que recolle en 11 láminas a documentación e as conclusións dos traballos de excavación nas fosas 1 e 2 levados a cabo polas seccíóns de Arqueoloxía e Memoria Histórica do IEM na parroquia de San Xián, no concello do Rosal, na primavera de 2009 poderá ser visitada na Aula de Cultura Ponte de Rosas (sede do IEM en Gondomar).