Venres 23. Presentación de “ARQUITECTURAS DE INTERMEDIACIÓN  NO VAL  DE MIÑOR. CRUCEIROS  E PETOS DE ÁNIMAS”

Prezadas amigas e amigos do INSTITUTO DE ESTUDOS MIÑORÁNS.

O vindeiro venres día 23 do mes en curso, ás 19:30 horas, terá lugar a presentación  do  libro “ARQUITECTURAS DE INTERMEDIACIÓN  NO VAL  DE MIÑOR. CRUCEIROS  E PETOS DE ÁNIMAS”,  da autoría de Antonio Soliño Troncoso e María Xosé Pérez González, membro  e socia do  IEM, na igrexa románica  de  Santa  Baia  das Donas,  municipio   de   Gondomar,   acto   ao   que   por   este  medio   quedades convidados, circunstancia extensible a quen entendades interesado. A presentación volverá   a   celebrarse   no   concello    de   Nigrán  en   lugar   e   data   que   serán oportunamente comunicados.

O libro, de  671 páxinas,  ilustradas  con  debuxos, planos  e fotografías, forma parte dunha ideada  colección de CADERNOS DE ETNOGRAFÍA sobre o Val de Miñor, centrados no ámbito  da arquitectura, composta  por seis volumes complementarios e, á vez, autónomos  entre os cales  o presente se corresponde  co  número cinco, que non obstante sae ao mercado en primeiro lugar.

Unha aperta.

Juan Hermida, director do IEM.